| |
دليل المواقع | الالعاب | توبيكات | القرأن الكريم | مركز تحميل
 :: أهداءات مزيون الامارات :: | |
| |||||||
 « آخـــر الــمــواضــيــع » |
 |
| | أدوات الموضوع | انواع عرض الموضوع |
09-30-2010, 07:19 PM
| رقم المشاركة : 21 (permalink) | |||||||||||||||||||||||||
ههههههههههـ ,, فديييت بدووور ,, هآآي آلشخصية آللي أنآآ أحبهآآ [  ]~ولكم مزيوووون ,, ثآآآنكسس ع آلمروور آلنآآآيسس ,,
| ||||||||||||||||||||||||||
 |
|
09-30-2010, 07:23 PM
| رقم المشاركة : 22 (permalink) | ||
| مريوم : فطيم دقيتي حق دريولكم ؟ فطيم : هيه دقيت ... هذوه يدق اكيد وصل .... يلا قومي نروح .. مريوم : يلا عيل نروح . فطيم تمشي و شافت موتر عبدالله ياي صوب جامعتهم استغربت دقتله تبا تشوفه شو يايبنهم كليتهم ؟ فطيم : الووو هلا عبدالله ؟ عبدالله : ها العفريته شو تبين ؟؟ فطيم : انته شو تسوي ياي صوب جامعتنا ؟ عبدالله : و انتي شخصج ؟؟؟ ليكون ها انتي الي تمشين ؟؟ فطيم : هيه انا . عبدالله : ومنو هاي الي تمشي عدالج و تطالع الارض ؟ فطيم : مالك خص تسمع . مريوم : شفيج معصبه فطيم ؟ عبدالله : واي فديت هالحس انا فطيييييييم منو هاي امانه تخبريني انا اخوج حبيبج ؟؟ فطيم : في عينك مو مخبرتنك مالك خص لافيني و لافيها تسمع . مريوم ترمس عمرها : شفيها معصبه اليوم ؟؟ مو من طبيعة فطيم تعصب و الحين ترمس منو و منو فيها هاي ؟؟ فطيم : يلا عبدالله مع السلامه . عبدالله : اصبري شفيج اميه بسم الله منج اليوم انتي مب طبيعيه ليش مستويه عصبيه فطيم ؟.. فطيم : مالك خص عصبيه حق عمري يلا اجلب ويهك اقول . عبدالله : بسم الله منج حشى صدق عفريته . يلا اجلبي ويهج مريم : شفيج يا فطيم اليوم مول مب على بعضج .. فطيم : مريوم انا وايد مضايجه . مريم : شفيج حياتو ارمسي انا هني بسمعج و بوقف وياج ارمسي لا تمين جي بضيجج . فطيم حضنت مريوم و تمت تصييييييييح و مريوم تهدي فيها و كلما تهديها تصيح زياده مريوم : بسم الله عليج يا فطيم شفيج ؟؟ ليش تصيحين ؟؟ فطيم : مريوم وايد مضايجه من الدنيا مالي خاطر اشوف حد ابا اسافر ابا اهج من هالعالم ابا اطلع من البيت من الجامعة ابا اشررررررررررررررررررد . مريوم : انزين خلينا نروح بيتكم حطي ثيابج في شطنه و تعالي بيتنا يلسي وياي يومين 3 ايام على كيفج المهم نفسيتج تتغير انا برمس امج و بقوللها انزين . فطيم : والله بترمسين اميه تخليني اي ايلس وياج . مريوم : هيه برمسها فديت دموعج انتي لا تصيحين انا وياج من متى الحين انا ربيعتج من 8 سنين امج تعرفني عدل عدل و ياين بيتكم وانتو يايين بيتنا امج شرات اميه انا برمسها فطيم : فديت روحج والله صديقتي الصدوقه يا عمري والله ربي لا يحرمني منج فديت روحج انا . مريوم : افا عليج فطيم انتي اختي مو بس ربيعتي . فطيم و مريوم وصلو بيت فطيم . مريوم راحت عند ام فاطمه سلمت عليها و قعدت وياها اما فطيم راحت حجرتها على طول عشان امها ما تشوف ويهها و عيونها لأنها كانت تصيح من الخاطر . مريوم : هلا خالوه شحالج ؟ ام فاطمة : هلا والله ببنيتي مريم شحالج اميه و شخباج ؟ مريم : يسرج الحال خالوه . ام فاطمة : شحال امج و عربانج انشالله كلهم بخير ؟ مريم : خالوه .... ممكن طلب !!!! ام فاطمة : امري بنيتي امري عيوني لج . مريم : تسلملي عيونج خالوه . خالوه عادي فطيم تيي بيتنا تبات عندي 3 ايام بنيلس ندرس ويا بعض و جي . ام فاطمة : انا عادي عندي بس خليني ارمس ابوها . مريم : انزين خالوه رمسيه . ام فاطمة : بروح ارمسه هو في الميلس . مريم : اوكيه خالوه بروح عند فطيم فوق . ام فاطمة راحت عند ابو فاطمه و رمسته و وافق ان فطيم تروح تبات عند مريم . مريوم نزلت تشوف ام فاطمه شو قالت شافتها قاعده في الصاله توها راده من الميلس . مريم : ها خالوتي طمنيني شو رد عميه ؟ ام فاطمه : واافق عمج تروح عندج البيت . مريم تركض صوب خالتها و تبوسها على راسها و تركض فوق عند فطيم وايد ماخذه على خالتها لأن هي تروح بيتهم من 8 سنوات فتعودت على بيتهم وجي . مريوم تركض صوب حجرت فطيم فجت الباب : زهبي شنطتج بتروحين بيتنا هي هي هي و تناقز على كبر الحجره و فطيم تضحك عليها صدق خبايل . فطيم : خبله و ربي خبله انتي . مريوم : يلا حطي ها وها وها وها وها حطي كل ثيابج ... اللله بترقدين عندي اللللللللللللللللللللللللللللللللللللللله . فطيم : خخخخخخخخخخخخخخخخخ خبله و ربي ...اصبري انزين برتب الشنطه يلسي عالكسري دخيلج بلا خبال . مريم : اللللللللللللللللللله فطيم اممممممممممممم خليني افكر شو اسوي وياج في البيت بنسوي حفلة بيجامات و بنسهر و بنخبل البشاكير و و و و فطيم : بس بس بسنا افكار دخيلج خليني ارتب الشنطه و بنروح . فطيم زهبت شنطتها و غسلت ويهها و سلمت على امها و راحت ويا مريم البيت . مريوم دشت البيت و شاله البقعه على راسها و فطيم تمشي وياها وتضحك . مريوم : اميييييييييييييييييييييييييييييييييييييييييييييييي يييييييييه انتي وين . ام مريم طالعه من المطبخ : ها بنتي شفيج تصارخين . مريم : شوفي منو ياي يبات عندي . ام مريم تشوف فطيم : هلا بنتي هلا فاطمة المتلاطمه هلا حياتو شحالج ؟ مريوم : وانا مالي رب ؟ فطيم : مشكله الي يغارون خليني اشبع من خالوه انتي 24 ساعه مجابلتنها . ام مريم : تعالي حياتي تعالي بحضنج من زمان ما شفتج . ام مريم تحضن فطيم و مريوم رزه عفدت فوقهم اونه حضن جماعي <خخخخخخخخخخخخخخخخخخخخخخخخخخخخخخخخخ مريوم : يلا فطيم بنروح حجرتي بنودي شنطتج وبزهبلج مكان . فطيم : يلا قومي نروح ... ابا اعق عباتي بعد بتخليني يالسه بالعباه . مريوم : يلا امشي و بسج رمسه . فطيم : يلا نروح . مريوم + فطيم راحو الحجره و ام مريوم ردت تكمل شغلها في المطبخ .
| |||
| |
|
10-01-2010, 02:46 PM
| رقم المشاركة : 25 (permalink) | ||
| في بيت اهل فطيم . عبدالله : السلام عليكم . ام فطيم : هلا عبدالله وينك يا ولدي ساكن ويانا و لا تنشاف جي ساكن في فندق انته تي تاكل و ترقد بس . عبدالله : اميييييييييييييييييه لا تبدين هالسالفه . ام فاطمة : ابوي كيف ما ابداها و انا اشوفك داخل طالع داخل طالع ويوم اسأل عنك يقولولي محد . عبدالله : اميه اميه اميه >> يبوس امه على راسها << اميه يا حبيبتي والله مشغول مشغول قد شعر راسي . ام فاطمه : و هالشغل يشغلك عن اهلك .. عن امك حبيبة قلبك <<و تقعد عالكرسي تصيح .. عبدالله يهزه الموقف الي يشوفه جدامه و يتلوم من الي يسويه في امه و يقعد حذالها و يحضنها و يهديها ويبوس راسها . ام فاطمة : يا ولدي من لي غيركم في هالدنيا فطيم راحت بيت ربيعتها بترقد عندها و اخوك عبيد تراه في ابوظبي وما ايي الا في سنه حسنه و اختك عزة تراها معرسه و في بيت ريلها مشغوله ويا عيالها و بنتها اليديده ريم و ابوك و يا شغله و الشركه . عبدالله : يا عمري انتي يا اميه يا حبيبتي خلاص اليوم بقعد وياج شو رايج . ام فاطمة : واللله والله يا ولدي بتقعد وياي . عبدالله : هيه بروح ابدل بلبس جلابيه و يايينج . ام فاطمة : انزين تباني اصبلك شاي . عبدالله : هيه تسوين خير تولهت على شاي البيت . ام فاطمة : من عيوني يا وليدي يا روح امك انته .<<< فديتك يا وليدي والله اني ولهت للقعده وياك . عبدالله : امييييييييييييييييييييييه فطيم راحت بيت منو ؟؟؟ ام فاطمة : راحت بيت ربيعتها مريوم . عبدالله : منو هاي مريوم بعد من وين طلعتلنا ؟؟ ام فاطمة : يوم اقولك انته ماتعرف شو يستوي في البيت .. عبدالله : انزين خبريني منو هاي مريم ؟ ام فاطمة : وانته شو تبا في البنت ؟ عبدالله : لا يعني غريبه ابوي يوافق يخلي فطيم تبات برع البيت . لا و عند ربيعتها بعد . ام فاطمة : هاي ربيعة اختك من ايام المدرسه الحين هم ويا بعض من 8 سنين مثل بنتي هي تيي و تيلس ويانا هي و امها و انا رحت بيتهم كذا مره و ارتحتلهم ف عادي فطيم اختك تروح عندهم لأنهم ناس ماشالله عليهم سمعه و اخلاق . عبدالله : ايوا زين انزين الله يديم هالمحبه بينهم . ام فاطمة : يااااااااااااااااارب يا وليدي يارب والله ان اختك فطيم وايد تحبها و هي و ايد تحب فطيم في كل شي نفس الشي يعني لو اختك اشترت شي لازم تاخذ نفسه حقها و مريم يا تاخذ شي لازم تشتري حق فطيم نفس الشي شرات التوأم . عبدالله : يعني الي شفتها اليوم هي مريم . ام فاطمة : شو تقول يا ولدي ؟ عبدالله : ماشي ماشي اميه ماشي بس كنت ارمس عمري . ام فاطمة : جيه يا ولدي تخبلت انته ترمس عمرك . عبدالله يرقد على ريل امه و امه تمت تلعب في شعره .. حس عمره رد صغييييييييييير و غفل على ريلها شرات اليهال . ام فاطمة : فديتك يا ولدي تعبان من الشغل ارقد ارقد يعله رقاد الهنا يا ربي . آنآ مآبي من |[ آلدنيّـآ ؛ سوى " لحْظـة لقّى " وحدهـْ آبّي آطيحْ من طولّي علَى حضنڪْ و ضمّيني العنود تطالع تلفونها تبا تطمن اذا راشد وصل البيت لكن راشد ما طرشلها مسج .راشد وصل البيت كان ميت من التعب فحط راسه و رقد ونسى تلفونه في السيارة .عنودوه ميته من الخوف العنود : راشد رد رد دخيلك لا تسوي فيني جذي رد . راشد : ان الرقم الذي طلبته غير متوافر حاليا يرجى الاتصال فيما بعد . العنود تخبلت ماعرفت شو تسوي راشد ما يرد عليها بتروح عند منو ولا بتكلم منو ماشي غير بدور لكن بدور عندها كلاس . ردت دقتله .. العنود : راشد يا قلبي وينك ليش ما ترد رد دخيلك لا تخبلني .. ليكون استوابه شي .لا لا استغفر الله منك يا ابليس الشر ماييه فديت روحه ...ياربي رد دخيلك رد والله بموت اذا ما رديت رد راشد رشود يا روح العنود رد ..... العنود تمشي في الجامعة و دموعها ماليه عيونها . العنود : ماشي حل الا اطلع بدور من الكلاس ياربي . العنود مشت الدموع و راحت صوب كلاس بدور .دقت الباب و وايجت من الباب . العنود : Mrs. can I talk to bdoor plz ? Mrs. : yes you can we finish the class . العنود : thanx Mrs. بدور تشوف ويه العنود قالت اكيد شي صاير بينها و بين راشد طلعت بسرعه صوبها . العنود حضنت بدور وتمت تصيح . بدور: شفيج عنوديه شفيج تصيحين . العنود : هئ هئ راششد بدووور راششد مااا يررد ع علي اخاف استوابه شي بدور اخافه مسوي حادث. بدور : لا بسم الله لا تتفاولين عليه بالشر ادعيله يكون واصل البيت اكيد حط راسه و رقد و نسى تلفونه لا تحاتين هو ريال ما ينخاف عليه انتي هدي قومي بروح اشتريلج شي تاكلينه ويهج غادي اصفر شرات اللوميه . العنود : مابا اكل . بدور : يالله بتاكلين ودلع البنات ما يمشي علي تسمعين . العنود : مو مشتهيه شي بدور و الله لايعه جبدي ابا اكلم راشد و اطمن عليه اول . بدور : سمعي هالسخافه والحركات انا ما احبها راشد ما راشد خله يصطفل سمعي انا علي من صحتج انتي بتمشين جدامي الحين و بتاكلين و ريلج فوق راسج تسمعين .<< بدور معصبه موت ودها تذبح راشد لو كان جدامها واقف . العنود و بدور راحو الكوفي و العنود تاكل غصبن عنها و بالها عند راشد تاكل و سرحانه لين ما يرحت عمرها بالسكين .وتمت تصيح بدور : يالخديه شو سويتي في ايدج قصيتيها عنودوه وين مخج انتي والله بصفعج الله ياخذ عدوك ياراشد الله ياخذك وياه . العنود : اييييييييييييييييه لا تدعين عليه والله مالي في هالدنيا غيره . بدور : بلا هالخرابيط واحنا وين سرنا العنود امشي جدامي بوديج السك روم خله يشوفون اليرح . بدور و العنود راحو السك روم وشافوا ليرح كان سطحي بس ينزف بغزاره . العنود بصوت واطي : وينك ياراشد شوف شو استوابي وينك ما ترد علي وينك تعبتني بحبك والله تعبتني وينك تعال و شوف حالتي بدونك وربي الروح تطلع من مكانها وينك يانبض قلبي وينك ؟ بدور تطالع العنود : انتي شو تهذربين و تقولين ؟ العنود : ماشي ماشي خليني برتاح شوي . في هالوقت مريوم تتصل في بدور . مريوم : الووووووووووووو بالحلوين . بدور : اي حلوين دخيلج بس انتي . مريوم : شفيها عنودي بدور شفيكم شو مستوي ؟ بدور : الخديه ربيعتج يرحت عمرها و احنا ناكل . مريوم : شووووووووه ... اميييييييييييييييييييه شفيها عنودي هي بخير تبينا نييكم الحين انا يايتنكم ويا فطيم انزين . بدور : ايه شو بتينا . مريوم صكت السماعه في ويه بدور و لبست عباتها و خبرت فطيم و نزلت تحت راحت عند امها و خبرتها و شلت موتر البيت و طلعت هي و فطيم و راحو الجامعه . مريوم : الو هلا بدور انتو وين ؟ بدور : احنا في السك روم لا تقوليين يتي ؟ مريوم : يلا انا و فطيم الحين يايينكم بنشلكم ويانا .. بنودي عنوديه المستشفى يشوفون ايدها . بدور : مافيها شي بس جرح سطحي . مريوم : انا ما أطمن تعرفين ان عنوديه ربيعتنا من زمان اخاف عليها هاي اختي فديت روحها . مريوم و فطيم دشو الغرفه شافو عنودوه طايحه عالسرير راقده و بدور حذالها . مريوم : عنودوه !!!! حياتي عنودوه شفيج يا اختي شفيج يرحتي عمرج ؟؟ العنود من شافت مريوم تمت تصيح و حضنتها مريوم : بسم الله عليج ... يلا نشن شو تتريون قومي نوديها المستشفى . بدور : ما يحتاي . مريوم تطالع بدور بنظره : اذا انتي عندج عادي تشوفينها في هالحاله انا عندي لا بدور خلي علاقتنا طيبه لا تخليني ادمرها الحين كله ولا عنودوه بتين حياج السياره تكفي اذا ما بتين كيفج . بدور : انزين بيي وياكم بس خليني اخبر اهلي اول و بدق حق ام العنود عشان ما تحاتيها . فطيم و مريوم و بدور و العنود ركبو الموتر و راحو مستشفى زعبيل . رقدوها و حطولها مغذي و شافو اليرح الي في ايدها وهي تهاذي بأسم راشد . مريوم : منو راشد ...وتطالع بدور ... بدور منو راشد منو هذا الي عنودوه تهاذي بأسمه . بدور : ................ فطيم : بدور شفيج اتكلمي منو راشد ؟ بدور تكلمت و خبرتهم بكل شي و منو راشد و من وين عنودوه عرفته و كل شي من البدايه لين اليوم ...قاطع كلام بدور تلفون العنود يرن يوم شلته شافت راشد . بدور تطالع مريم و فاطمة : ارد عليه ... لا لا ما برد عليه مريوم اندوج ردي عليه . مريم شلت التلفون : الوو . راشد : اللو ... انتي منو ... ها مو صوت العنود ؟ مريم : انا ربيعتها مريم ... وحبيت اخبرك ان ... راشد : العنود وينها ليكون استوابها شي و الله بموت اذا استوابها شي خبريني قوليلي دخيلج لا تمين جي وينها دخيل وينها ... مريم : العنود في المستشفى !! راشد : شووه المستشفى اي مستشفى قولي دخيلج الحين بيي الحين بيي . مريم : في مستشفى زعبيل . مريم تطالع فطيم و تقوللها الحين بيي لهذي الدرجه يحبها ياربي كيف يحبها ها مو بس يحبها ها يعشق الارض الي تمشي عليها . الدكتور سيف : السلام عليكم . مريوم : و عليكم السلام دكتور ... ها طمنا على ربيعتنا شفيها العنود دكتور خبرنا ؟؟ الدكتور سيف : ربيعتج فيها فقر دم حاد ولازم اتم تحت الملاحظة على الاقل اليوم بطوله . مريم : ياربي ياربي يا عنودي ربي يقومج بسلامه يارب ارحمنا برحمتك ياااااارب ارحمنا و قوم العنود بسلامه يارب والله هالبنت طيبه يارب يارب ارحمنا برحمتك . الدكتور سيف : يارب امين يلا اذا احتيتوني انا بكون في مكتبي بس دقو الباب و دشوا ... ويطالع فطيم و فطيم مستحيه مريم : انشالله ...مشكور دكتور سيف مشكور ما تقصر ... مريم ترمس فطيم و بدور فجأه ياهم واحد ميت من الخوف راشد : انتو .. انتو .. انتو ربع العنود ؟ مريم : هيه احنا .. انته راشد ؟؟ راشد : العنود وين ابا اشوفها دخيلج قلبي بيوقف اذا استوابها شي دخيلج !! مريم : انزين امش بوديك صوبها بس ما ادش . راشد : ليش ما ادش دخيلج و غلات العنود عندج خليني ادش . مريم : هاي غرفتها . راشد شاف العنود طايحه عالسرير و المغذي في ايدها و ويهها مصفر و راقده . راشد : فديت روحج انا يعلني مكانج يالعنود وربي ما تستاهلين .. صد صوب مريم و سألها لو سمحتي ممكن ادش عندها ؟ مريم بكل عصبيه : اسمع حدك عاد شوا دش عندها مينون انته ييت المستشفى و شفتها قلنا ماعليه اما ادش اسفه تبا اوقف برع كله منك اصلا انزين لو رديت عليها جان ما ستوابها جيه . بدور اتزخ مريوم و توديها بعيد عن راشد و راشد مصدوم يلس على ركبه ما رام يمسك دمعته الي نزلت و حرقت قلب العنود الي نشت تصرخ بإٍسمه . التفت راشد بعد ما سمع صوتها و دخل شافها حاضنه ريلها و تصيح قرب صوبها و كان بيحط ايده على راسها بس يود عمره و زقرها بكل حنيه . العنود حست ان حد دش لكن ما التفت له . راشد : العنود !! العنود رفعت راسها و الدموع مغرقه ويها و تطالع راشد ودها تحضنه لكن ماسكه عمرها . العنود : راشد انته وين كنت . شوف شوف شو استوى في ايدي شوف .طلعني من هني راشد ابا اكون وياك راشد دخيلك . راشد : يا روح راشد انتي هدي هدي الحين و وعد مني ما اقعطج اسمحيلي والله كنت راقد و نسيت الفون في السياره نشيت خايف تذكرتج و ربعت صوب الفون شفتج داقه دقيت على طول ردت علي ربيعتج و خبرتني انج هني خفت عليج حسيت روحي ظهرت من مكانها يوم خبرتني انج في المستشفى وربي ييتج طيران يا عمري انتي . العنود : بس بس سامحتك ما اقدر ازعل منك انته . راشد : ليش جي سويتي في ايدج شو الي يرحج يا قلبي ؟ العنود : كنت ويا بدور اتغدى و افكر فيك و بدون ما انتبه قصيت ايدي . راشد : انا موصنج على روحج كيف جي تسوين في عمرج يا هوا بال راشد انتي . العنود تخش ويهها من المستحى . راشد : وااااااااااااااااااااااااااااااااااي فديت الي تستحي انا فديتها والله ردتلي الروح يوم شفتج ياساكن روحي والانسام تدري بحبك ساكنني بس تعترينيبعض الاوهام يضيق صدري ويزعجني ان قلتلك خايف من الايام اخاف لاتاخذكعني قلبن بنا ع حبك احلام شوفك منايا والتمني
| |||
| |
|
10-05-2010, 05:33 PM
| رقم المشاركة : 26 (permalink) | ||
| القصه حلوه ^.^ احسن واحد راشد .. ان شاء الله يتعرف على مريوم الخايسه ( تراني كرهتها ) ويخسس فيها ههههه اونها ما تخلي عبدالله يشوفها .. يعني ليش متصله فيه شو هالقهر .. يبالها طراق بنت الذين حتى فطيم ما عيبتني لسانها طويل اونها زعلانه اصلا اخوها راشد معطنها ويه يبالها تأديب ولا أمها وأبوها صدق فالتوه ههههههههههههههههههههه ثانكس رين على المجهود الحلو وبانتظار الحلقه العاشره لوول
| |||
| |
|
10-05-2010, 08:00 PM
| رقم المشاركة : 29 (permalink) | |||||||||||||||||||||||||
|
ههههههههههـ ,, حرآآآم ,, مريوووم مب خآآيسسة ,, بعدين فطووم أخت عبدالله ,, ويووم فطووم شآآفت سيآآرة أخووهآآ ف آلجآآمعة أتصلت لهـ تسألهـ ,, ومريوم ربيعتهآآ كآآنت حذآآلهآآ ههههههههـ ,, مريوم تعرف فطوم منزمآآن ,, وآلـأهل بعد يعرفوون بعض منزمآآن ^_^ يعني عآآدي ~ هع ولكم فآآمبيير ,, ف آلدرب إن شآآء آلله هههههـ ,, ثآآنكسس ع آلمروور آلنآآيسس ,,
| ||||||||||||||||||||||||||
| |
|
10-05-2010, 08:06 PM
| رقم المشاركة : 30 (permalink) | |||||||||||||||||||||||||
|
قريييب إن شآآء آلله ,, ثآآنكسس برنسس ع آلمروور آلنآآيسس ,,
| ||||||||||||||||||||||||||
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
| |
| |
]~
]~
!
العرض العادي
