| |
دليل المواقع | الالعاب | توبيكات | القرأن الكريم | مركز تحميل
 :: أهداءات مزيون الامارات :: | |
| |||||||
 « آخـــر الــمــواضــيــع » |
 |
| | أدوات الموضوع | انواع عرض الموضوع |
01-25-2011, 06:35 AM
| رقم المشاركة : 141 (permalink) | ||
 اخر ثلاث بارتات ماقريتهم اليوم قريتهم نايس ^_^ عيبني شخصيتي بدور احسها غير عن باقي الشخصيات حبيتها خخخخخخخخخخخخخ اشكرج رين ع القصه والله يعطيج الصحه والعافيه ونتريا البارت اليديد تقبلي مروري
| |||
 |
|
01-26-2011, 12:14 PM
| رقم المشاركة : 143 (permalink) | |||||||||||||||||||||||
|
الله يحيج الغلا .... الاحداث اليايه بتصدمكم اكثر و اكثر ... احداث ما تبونها تصير بتصير ... احداث تتوقعونها تستوي ما بتستوي ... انتظرونا .. خلال هالايام بينزل البارت اليديد ... و سامحونا عالقصور  | ||||||||||||||||||||||||
| |
|
01-26-2011, 08:58 PM
| رقم المشاركة : 144 (permalink) | ||||||||||||||||||||||||||||||||||||||||||||||
|
яαιη ∂яσρ وايد قريبه مني و من ربيعتي فديتها | |||||||||||||||||||||||||||||||||||||||||||||||
| |
|
01-27-2011, 11:16 PM
| رقم المشاركة : 145 (permalink) | |||||||||||||||||||||||||
|
فدييتنآآ [  ]
| ||||||||||||||||||||||||||
| |
|
01-30-2011, 10:08 PM
| رقم المشاركة : 146 (permalink) | ||
| عبدالله : اميييييييييييييييييييييه ... ام فطيم: هلا ... شفيك يا بوي حاشر البقعه ... عبدالله : اميييييه .. قرررررررت .... ام فطيم : قررت شو يابوي ... يا كثر قراراتك انته ... و ياليتك تسويهن بس تيلس تحشرني بهن .. عبدالله : يا امي اسمعيني انزين ... ام فطيم : ها اسمعك قول شعندك ... عبدالله : ابا اعرس ... ام فطيم : شوووووووووووووه ... صدق ..... من باجر بدورلك بنت الحلال ... عبدالله : موجوده ... ام فطيم : منو هذي الي ولدي الغالي حاط عينه عليها .... فطيم : سلام عالحلوين ... ام فطيم : هلا بنيتي وينج تأخرتي ... و شخبارها العنود و شو صحتها ... طمنيني عليها .. فطيم : والله يا امي ماعرف هي احسن ولا بعدها ... وضعها مستقر لين الحين ... ام فطيم : سمعي عيل اخوج شو قالي ... فطيم تصد صوب عبدالله : شو مسوي بعد غير مسود الويه ... عبدالله يقوم واقف : سمعي ايه .. لا اطولين لسانج ... فطيم فجت عينها : حشى يابوي ما يسوى علي والله اتمصخر وياك .... ام فطيم : حشى شفيكم لبقتوا فجأه ... سمعي البشاره ... اخوج عبدالله قرر يعرس .. فطيم شقت الحلج : احلف انته بس .... يعني جد عزمت تعرس ... عبدالله يتحنحن : احم .. قرر الشيخ عبدالله الزواج .... فطيم : يلا اميه شغلي راداراتج زين عشان تلقطيله بنت الحلال .... ام فطيم : استحي على ويهج يا مسودة الويه الحين اشغل راداراتي ... في بيت مريم ... مريم مجابله التلفزيون و معليه عليه و سرحانه ... تلفون مريم يرن و يرن و يرن ... و هي مب منتبهه له ... ام مريم توقف عند الباب تطالع بنتها ... تزقرها لكن مريم في عالم ثاني .. زقرتها مره ثانيه و مريم بعدها سرحانه .. عصبت مشت لين التلفزيون و بندت التلفزيون و هزبتها ... ام مريم : انتي ما تسمعين تلفونج يرن ... معليه عالصوت و حاشره البقعه .. جنه اليران ما عندهم تلفزيون ... مريم ترفع راسها تطالع امها بدون ردت فعل ... كأنها صنم يالس و لا تتحرك .. امها عصبت منها و ردت المطبخ .. مريم .. مسكت تلفونها .. شافت موزي داقتلها فوق 3 مرات .. ردت حطته و تمت تطالع التلفزيون ... شو تطالع و هو منبد .. هي كانت في عالم ثاني .. رنة التلفون قاطعت سرحانها رفعته شافت ان موزوه يالسه ادق .. مريم رفعت السماعه : الو ... موزوه : هلآآآآ هلآآآ .. هلآآآ وآلله بآلقآآآطعه مريوووم .. شحآآلج ؟ شخبآآآرج ؟ شوو علوومج شوو مسوويه ؟ وييينج مختفيه .. لآ حس ولآ خبر .. انزين ما دريتي شو استوى .... ساعه و موزي ترمس على راس مريوم و مريوم حتى كلمة ها .. هيه .. انزين .. نعم ... ما قالتها ... موزي : الو الو ... اميه بسم الله الرحمن الرحيم ... الو حد وياي عالخط .. مريوم ليكون رقدتي ؟... مريم : وياج ... موزي : انزين شوفي شو تسوي بعد ... ( كملت موزي رمستها و مريوم طفرانه تبا تصك .. موزي اذا فجت حلجها شو بيسكره حقها ... بعد نص ساعه من الرمسه الي مالها معنى .. ) .. مريوم الا بتخبرج .. بدور و العنود ليش اتضاربوا هاك اليوم ؟. مريم : موزي جد مره سمعتي صوت القطار ... موزي : شوه ... قطار ... مريوم : الحين بسمعج اياه ... و سكرت في ويهها ... موزي : الو الو الو ... ما اسمع صوت انا ... هيييييييييييييي يالسباله يا مريوم انا برويج صنع الله يوم بداومين ... كله يصكرون في ويهي ليش انزين ... في بيت راشد ... تحديدا غرفته ... راشد يالس عالسرير .. يطالع تلفونه يشوف شو اليديد في اخبار الدنيا .. وهو يجلب في التلفون فتح الفولدر الي كان مسونه حق العنود .. بس بدون تردد و بدون تفكير مسبق مسحه ... و راح ومسح رقمها بعد ... راشد الي كنتو تعرفونه تغير .. صار اقسى من الحجر .. مشاعره ماتت استوى ابرد من الثلج ... فر التلفون و نش من عالسرير و طلع من حجرته .. مشى في البيت ... البيت ميت .. محد فيه .. امنه طالعه ويا امها .. وابوه في الشركه كالعاده ويا ابو مريم ... يلس يفكر ... شاف تلفون امنه في الصاله .. امنه دوم تنسى تلفونها في البيت ... راح شله .. شاف اخر رقم هي داقتله .. طلع اسم مريم .. خذا الرقم ... و دقلها ... مريم انتبهت انه رقم غريب ما ردت عليه هي متعوده ما ترد على ارقام غريبه ... لكن هالرقم دق اكثر عن مره ... ردت عليه و تمت صاخه .. راشد : مريم انا راشد ردي علي ... مريم انصدمت هذا من وين ياب رقمها بس بعدها تمت صاخه ... راشد : اوكي تمي صاخه لكن سمعيني .. باخذج و غصبن عن خشمج تسمعين ... يا انا يا انتي في هالحياه و كلمتي ما تتثنى و بتكونين حرمتي يعني بتكونين .. مريم عصبت : اسمع لو تموت ما بكون حرمتك ولا بكون حلالك تسمعني ... و سكرت التلفون في ويهه .... تنفست مريم .. و طالعت عمرها في المرايه : ياربي شو هالبلوى الي بلوني فيها ... اوووووف ياربي فكني منه و من طاريه .... راشد : ما اكون راشد اذا ما ربيتج يا بنت الذين انا مب راشد الاولي ههه انا غير ... ( يلس عالكرسي .. تذكر ايامه ويا العنود .. تنفس وحبس الهوا في صدره .. رفع راسه يطالع السقف ... شو الي غير احوالك يا راشد ... شو الي وصلك لهذي القساوة ... انته مب انته .. لا تعذب بنت الناس وياك ... راشد في هالوقت يعيش شبه صراع ذاتي ... مايعرف الي يسويه يعتبر صح ولا غلط ... افكاره متلخبطه ... تصرفاته مب طبيعيه ... تفكيره مب منطقي ... كمل راشد تفكيره و هو يطالع السقف ... و في نص التفكير غفى ... وليته ما نش من الغفوه .... مريم معصبه و تتحرطم : يعلك السقم قول امين يعلك ما تربح يعلك ما تصحى يالحقير ... فطيم : حشى حشى الو بسم الله شفيج مريوم تدعين على منو هالكثر .. اميه بسم الله ... مريم : والله لأرويك نجوم الليل في عز النهار.. ما اكون مريم بنت ابوي اذا ما ذوقتك الويل يالحقير ... فطيم : مريم استهدي بالله تدعين وتسبين منو و منو هذا الي بتروينه نجوم الليل في النهار .. مريوم خبريني شو مستوي ... مريم : من وين ابدا .. و من وين اقولج .... اه ياربي ابا اموت فطيم تفج عيونها : مريوم شو هالرمسه بعد ... شو تبين تموتين ... الحين انتي صارلج اسبوع مختفيه ما نعرف عنج خبر .. ما نعرف وين ارضج و وين سماج ...شو مستويلج بسم الله مريوم انطقي ... مريوم : فطيم باجر يوم بداوم برمسج ... السالفه ما تنفع عالتلفون ... يوم بشوفج باجر في الجامعه بخبرج اوكيك .. فطيم : على راحتج مريوم .. بس انتي هدي نفسج الحين .... يوم الاحد ... الكل يستعد عشان يروح دوامه ... مريوم تلبست و تريقت و باست راس امها و ركبت الموتر منطلقه جدى بيت بدور بتمر عليها و بيروحون الجامعة ... فطيم تلبست و ركبت ويا الدريول عشان يوصلها .. لكن ربشت العنود كانت غير ... كانت ادقلهم على اذان الفجر توعيهم يصلون .. هالمره محد وعاهم ... الساعه 7 و نص بالضبط بطي يدق هرنات عند بيت عبدالله ... عبدالله بعده يتسبح ... يطالع من دريشة الحمام يشوف الفتك الاسود عند الباب ... طبعا بسرعه بسرعه تسبح و لبس ثياب في ظرف دقايق ... مريوم وصلت بيت بدور .. دقتلها عشان تظهر .. بس بدروه بعدها .. باااااااااااارده ثلج بعدها ما تريقت ... مريوم : بدروه .. بجتلج انتي شو .. من متى انا مخبرتنج بعدج ما تريقتي نشي اشوف بمررج الشيشه تاخذيلج زط ... بدروه : ابا كوستا ... مريوم : طاع .. طرار و يتشرط لا تخليني الحين اخليج و روح الجامعه .... بدروه : لااااااااااااااا ..... والله والله الحين بظهر .... اميييييييييييييييه مريوم وصلت يلا باي ... مريوم : بسرعه اشوووووووووووووووووف ....... بدروه ركبت ويا مريوم ... و طبعا تحن عليها يوعانه ... هالبنت دوم يوعانه هههه ... بدور : مريوم شوفي جدامنا شيشة الامااارات وفيها كوستا كوفي بلييييز ابا اكل .. ابا زط .. ابا فووووود يسد يوعي والله اذا ما خطفتيني باكلج ... مريوم : اميييييييييه لا لا لا بدور لا تتوحشين علي دخيلج امج ... والله بخطفج والله ... اااه ابا عمري انا لا تاكليني .. طعمي مر وخايس ... بدور : حتى لو طعمج خايس باكلج ... ( بدور تحرك ايدها كأنها بتهجم على مريوم و تبتسم ابتسامه مطلعه كل ضروسها ) .... مريوم : سكنهم في مساكنهم والله وصلنا الشيشه ... ها يلا انزلي انسه بدور ... بدور : ما بتنزلين وياي ؟؟؟ مريوم : لا الحمدالله انا متريقه ... نزلي بروحج انتي تبين تاكلين مب انا .... بدور : اف منج ... ما تبين شي من داخل ... مريم : ابا ماااي ميته عطش ... بدور : تبين نزلي بروحج .... مريوم : يالنذله .... بدور دشت الشيشه شافت طابور عند الكوفي وقفت و هي واقفه تطالع يمين و يسار بعدين يلست تطالع نعالها يوم رفعت راسها ما تشوف الا بطي مجابلنها و وفاج عينه يطالعها .. بدور زاغت و ركضت صوب الموتر ركبته و ربطت الحزام و تمت يالسه ... مريوم تطالعها تشوف بدور مافي ايدها شي .. مريوم : بدور وين اكلج ليش ما خذتيلج شي .... و شفيه ويهج جي مصفر جنج شايفه فلم رعب .. بدور صدت صوب مريم و في فاجه عيونها جي @@ : هذاك الي اشتكيت عليه الي كان لاحقنا في بموتره و لحقني في المستشفى و الي دعمته ... موجود في الشيشه تم يطالعنا مريوم ... اااه اخاف انزل .. مابا ريوق خلاص بطلت امشي نروح ... مريوم : انزلي بنزل وياج ... شو اخليج يوعانه .. وبعدين هو شو بيسويلج جدام كل هالناس ... امشي انا وياج لا تخافين .. بدور : لا لا .. أخاف ... مريوم تصد صوبها : امشي جدامي بلآ آفلام هنديه اقول .. شكلج وايد تطالعين زي آفلام ... بخبر هنوي ما تحطلج اياها ... بدور : بس هو هنااااك مريوم ..... مريوم سحبت بدور و نزلو الشيشه بدور انخشت ورا مريوم ... صدت مريوم صوب بدور .. مريوم تصاصر بدور : لا تلصقين فيني ماروم امشي بطيح على بوزي ... شو تبيني اطلبج انطقي اشوف ... بدور توايج تطالع شو الاكل الموجود : امممممممممم ابا كرواسون جبن و كافي لاتيه ... مريوم : اوكيك ... مريوم طلبت حق بداري الاكل و وقفوا يتريونهم .. بدور تصد يمين يسار ادور بطي .. شافته واقف صوب الثلاجات و يطالعها ... بدور لصقت في مريوم و بكبرها تتراقل من الخوف ... مريوم : بدروه روحي هاتيلي دبة ماي ميته عطش انا ... بدور تفج عيونها و تطالع مريوم وترمس بصوت واطي : بس هو هناكي واقف ... مريوم تطالع بدور بعصبيه : روحي و فكيني بسرعه اشوف ... بدور تمشي خطوه جدام و عشر خطوات ورا .. وبطي واقف صوب الثلاجات ... مرت حذاله و فجت مال ثلاجة الماي .. وخذت دبتين ماي و بطي يطالعها ... بندت باب الثلاجه و هو يطالعها .. مشت و هو يطالعها ... وصلت عند مريوم و بعده بطي يطالعها ... مريوم خذت الطلب و مشت تدفع عند الكاونتر .. في نفس الوقت مشى بطي صوب الكاونتر و وقف حذال بدور .. بدور على طول تحركت و راحت وقفت عدال مريم صوب اليسار و دفعو و على طول ركبن السياره ... عبدالله كان في الموتر بطي بسرعه ركب موتره و فر الاكل على عبدالله و مشى ورا مريم ... عبدالله عرف الموتر ... انه موتر مريم .. عبدالله : بطي انته ليش تمشي ورا هالموتر .. بطي : الي دعمتها في المستشفى .. الي مشيت وراها .. الي حجزت الوحش ... في هالموتر ... عبدالله : الي في هالموتر انا اعرفها ربيعت فطيم اختيه .. ومستحيل تسوي هالسوالف .. بطي : مب الي تسوق ... الي حذالها ... هي الي مخبلتبي .... بس لو اعرف اسمها .... عبدالله : امش يا ولد الحلال .. بطي : الا اعرف اسمها ... بعترض جدامهم .. يا انا يا هي ... عبدالله عصب : خل بنات الناس في حالهم يا بطي .... امش اشوف نروح الدوام بلا خرابيطك هاي ... استهدى بالله و خل بنت الناس ... تخيل لو هي اختك ... تخيل لو اي واحد و سوي هالمنكر حق اختك ... في بيت راشد .... راشد واقف تحت عند الدري يزقر امون الي بعدها ما تجحلت ... و كلاسها يبدا 9 و راشد كلاسه يبدا 8 و الساعه 8 إلا ربع يعني راشد متأخر من الخاطر ... راشد : امووووووووووووون ... نزلي لا تخليني اي و امطج من كشتج ... وراي كلاس ... يلا نزلي ولا تراني بروح عنج و روحي جامعتج مشي تسمعيني ... امون ترابع في حجرتها ادور نعالها واحد في ايدها و الثاني تحت السرير بسرعه بسرعه تلبس عباتها .. من كثر ما هي مستعيله لبست العباه و هي شاله الشنطه ونعالها في ايدها و بسرعه بسرعه تنزل من عالدري .. يوم شافها راشد بهالمنظر مات من الضحك ... امون : شعندك تضحك .... راشد مب رايم يود عمره مات من الضحك زياده يوم شاف عين مجحله و عين لا .... امون : اسكت بكمل كشختي في السياره امش .. حاشرني من الصبح و متأخر و متأخر .. شوف الساعه 8 الا عشر .. راشد : اوه نسيت يلا يلا امشي امشي ... امون : دخيلك شل لابتوبي عني ماروم اشل عمري ... امنه و راشد ركبو الموتر و في الدرب امون تتعدل و راشد يفكر يقوللها انه دق حق مريم ولا ما يخبرها ... اخر شي قرر انه يخبرها .. امون كانت تحط روج ... راشد : انا دقيت حق مريم ... امون من الصدمه نست انها تحط روج و صدت و الروج شخط على ويها .. تمت تطالع راشد و هي مصدومه ... راشد : هيه دقيلتها و قلتها اني باخذها رضت ولا مارضت ... امنه بعدها مصدومه من الي سواه اخوها .. ها عاقل ولا مينون .. صاحي و لا مخبل ... راشد : ادري بتنازعيني و بتسبيني و بتلعنين ابو خامسي .. بس انا رمستها وخلاص .. امنه تنفست و صدت صوبه : اول شي .. انته من صدقك دقيتلها .. تعرف اني احاول وياها انها ترضى تاخذك ... و ان تنسى الي كنت ترمسها قبل ( امون ما كانت تحب تقول اسم العنود ) راشد لا تعيد الغلط نفسه مرتين ... البنت ما ضرتك في شي ... راشد : ابا ااكسر راسها .... امنه : نعم ... ( ترفع حاجبها ) على فكره الرمسه وياك ما تنفع ... انته ما توب ... خل بنت الناس عنك ... ربي يحفظها و يوفقها .. على فكره .. مريم ما تتعوض واذا خذتها تراها بتسعدك .. بس انته اكسبها لا تخسرها .. وهذي نصيحتي لك .. انا اختك واعرف مصلحتك .. تراك وايد بتخسر اذا خسرت مريم .... راشد تم صاخ ... امون رفعت راسها و شافت شكلها صرخت صرخه محترمه يوم شافت الروج واصل لين اذنها ... راشد يوم صد و شاف شكلها و يا الروج مااات من الضحك ما رام يسكت حط راسه على السكان و تم يضحك امون تهزه عشان يسوق لكنه ميت الضحك ... امون تصد صوبه : لا تضحك .. طلعت امون الكلينكس المبلل من شنطتها و مسحت الروج و عدلت ويها ... وصلت الجامعه و نزلت و قبل لا تسكر الباب قالت جمله ... امنه : لا تضيعها من ايدك تراها ما تتعوض ... هالجمله تمت تتكرر في بال راشد لين ما وصل جامعته ..
| |||
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
| |
| |
العرض العادي
